02.06.2010 കോവിലന്‍ അന്തരിച്ചു

പ്രശസ്ത സാഹിത്യകാരന്‍ കോവിലന്‍(87) അന്തരിച്ചു. കുന്ദംകുളത്തെ സ്വകാര്യ ആസ്​പത്രിയില്‍ രാവിലെ മൂന്ന് മണിയ്ക്കായിരുന്നു അന്ത്യം. ഒരാഴ്ചയായി ശ്വാസതടസ്സത്തെത്തുടര്‍ന്ന് ചികിത്സയിലായിരുന്നു.
ഗുരുവായൂരിനടുത്ത് കണ്ടാണിശ്ശേരി എന്ന സ്ഥലത്താണ് 1923 ജൂലായ് ഒമ്പതിന് വട്ടോമ്പറമ്പില്‍ വേലപ്പന്‍ അയ്യപ്പന്‍ എന്ന കോവിലന്‍ ജനിച്ചത്. കണ്ടാണിശ്ശേരി എക്‌സെല്‍സിയര്‍ സ്‌കൂളിലും, നെന്മിനി ഹയര്‍ എലമെന്ററി സ്‌കൂളിലും പാവറട്ടി സാഹിത്യ ദീപിക സംസ്‌കൃത കോളജിലും പഠിച്ചു.
1943-46ല്‍ റോയല്‍ ഇന്ത്യന്‍ നേവിയിലും, 1948-68ല്‍ കോര്‍ ഒഫ് സിഗ്‌നല്‍സിലും പ്രവര്‍ത്തിച്ചു. കഥകളുടെ യാഥാര്‍ത്ഥ്യവും ശക്തമായ കഥാപാത്രാവിഷ്‌കാരവും തുളച്ചുകയറുന്ന ഭാഷയും കോവിലന്റെ കഥകളെ വ്യത്യസ്തമാക്കുന്നു.

കൃതികള്‍

തോറ്റങ്ങള്‍ , ശകുനം , ഏ മൈനസ് ബി , ഏഴമെടങ്ങള്‍ , താഴ്വരകള്‍ 
ഭരതന്‍ , ഹിമാലയം , തേര്‍വാഴ്ചകള്‍ , ഒരു കഷ്ണം അസ്ഥി , ഈ ജീവിതം അനാഥമാണ് 
സുജാത , ഒരിക്കല്‍ മനുഷ്യനായിരുന്നു , തിരഞ്ഞെടുത്ത കഥകള്‍ , പിത്തം 
തകര്‍ന്ന ഹൃദയങ്ങള്‍ , ആദ്യത്തെ കഥകള്‍ , ബോര്‍ഡ്ഔട്ട് , കോവിലന്റെ കഥകള്‍ 
കോവിലന്റെ ലേഖനങ്ങള്‍ , ആത്മഭാവങ്ങള്‍ , തട്ടകം , നാമൊരു ക്രിമിനല്‍ സമൂഹം 

പുരസ്‌കാരങ്ങള്‍

കേരള സാഹിത്യ അക്കാദമി പുരസ്‌കാരം (1972): തോറ്റങ്ങള്‍ എന്ന നോവലിനു് 
കേരള സാഹിത്യ അക്കാദമി പുരസ്‌കാരം (1977): ശകുനം (കഥാസമാഹാ!രം) 
മുട്ടത്തു വര്‍ക്കി പുരസ്‌കാരം (1995) 
ബഷീര്‍ പുരസ്‌കാരം (ഖത്തറിലെ പ്രവാസി എന്ന സംഘടന ഏര്‍പ്പെടുത്തിയത്), (1995) 
എ.പി. കുളക്കാട് പുരസ്‌കാരം (1997): തട്ടകം (നോവല്‍) 
കേരള സാഹിത്യ അക്കാദമി ഫെല്ലോഷിപ് (1997) 
കേരള സാഹിത്യ പരിഷത്ത് അവാര്‍ഡ് (1998): തട്ടകം (നോവല്‍) 
സാഹിത്യ അക്കാദമി പുരസ്‌കാരം (1998): തട്ടകം (നോവല്‍) 
എന്‍.വി. പുരസ്‌കാരം (1999): തട്ടകം (നോവല്‍) 
വയലാര്‍ പുരസ്‌കാരം (1999): തട്ടകം (നോവല്‍) 
എഴുത്തച്ഛന്‍ പുരസ്‌കാരം (2006) 
ഖത്തര്‍ 'പ്രവാസി'യുടെ ബഷീര്‍ പുരസ്‌കാരം 
മാതൃഭൂമി സാഹിത്യ പുരസ്‌കാരം (2009)

(ആദരാഞ്ജലികള്‍ , ഒരാള്‍കൂടി നടന്നകന്നു . . . .)